Thursday, December 27, 2012

මල් වත්ත


                                                               ගසින් වෙන් වූ කැකුළු
                                                               පිපෙන මල් වත්තයි
                                                               කිරි සිනා හා කඳුළු                                                                
                                                               සමඟ මල් සුවඳයි

                                                               දෙවෙනි මව් තුරුල්ලේ
                                                               අකුරු ඇහිඳින කැකුළු
                                                               පසිඳලන්නට අරුත
                                                               වදන සෙනෙහස කියන

                                                               ජීවිතය ගමනක්                                                                
                                                               ආදරය උලෙළක්
                                                               ළපටි සිත් මල් වලට
                                                               සිහින් පොද වැස්සක්
                                                                                 
                                                               අරලියා මල් පාර
                                                               පියමං කරං ආපු
                                                               ආදරේ දුන් යාළු                                                                
                                                               හුඟක් ඉන්නට ඇතී

                                                               හිනාවෙන ඇස් කියන
                                                               සතුට පිළිබඳ වැකිය
                                                               ආදරය ප්‍රස්තුතය
                                                               හෙට අනියමාර්ථය

                                                               අපෙක්ෂාවේ දූලි
                                                               ඉතා පොඩියට රැඳුණු
                                                               උපෙක්ෂාවේ කැකුළු
                                                               අරලියා බිම වැටුණු

2 comments:

දයානන්ද රත්නායක said...

කලාතුරකින් කවියක් ලිව්වත් ඒ කවිය ගැමුරක් සහිත දර්ශනයක් කියාපානවා. මේ සිතුවිලි කවිවලට පෙරලෙන හැනි හරිම අපූරුයි

Rasika Kariyawasam said...

බොහොම ස්තුතියි !

Post a Comment

Related Posts Plugin for WordPress, Blogger...